LLuniau'r pwll 2010

Rydyn ni wedi gorffen adnewyddu'r pwll wrth ymyl y patio. Y llynedd, ar ôl i ni ei osod yn y gwanwyn, ces i fy siomi achos bod 'na ormod o 'blanket weed' yn tyfu ynddo. Doedd y llyffant ddim yn hapus chwaith a gadawodd o. Ceisiais i ladd y blanket weed efo rhyw bwder glas a brynais o siop sy'n arbenigwr mewn pyllau, heb lwc felly dros y gaeaf, rydw i wedi gwneud tipyn o ymchwil.
Mae gennym ormod o haul ar wyneb y dŵr (mae'r dŵr yn rhy gynnes) a rhaid i ni ddefnyddio dŵr 'yfed' sef dŵr sy'n cael ei drin cyn cyrraedd y tŷ. (Mae 'na ormod o bethau sy'n mwydo algâu ynddo - Do Wir !!)

Prynasom hidlen ddŵr, a pheiriant sy'n trin dŵr efo magneteg a choed bach sy'n taflu cysgod dros wyneb y dŵr. Pwy a ŵyr a ydy hyn yn mynd i weithio, ond mae'n edrych yn llawer gwell. Mae 'na dair madfall dŵr yno, ond nid yw'r llyffant wedi dychwelyd eto.

Rydw i wedi sylwi bod gan Bethan Gwanas broblem debyg a rhaid iddi hi wneud rhywbeth tebyg er mwyn atal yr hen 'blanket weed'.

Dyna'r lluniau a addawais