I ffwrdd â fi i Derby - rhan 1 - Amber Hills

Gadawais orsaf trên Eglwyswen am ddeng munud i un ar ddeg ar fore dydd Gwener Hydref y cyntaf er mwyn mynychu'r Cwrs Un Dydd yn Derby. (Na, nid wyf yn mynd i dreiglo 'Derby') ac ar ôl taith heb drafferth o gwbl, cyrhaeddais yn Derby am hanner awr wedi un lle oedd Jonathan yn aros amdanaf. Roedd y tywydd yn ofnadwy efo glaw hynod o drwm a rhaid i mi ddweud y cododd y daith drwy Derby (dinas brysur iawn i mi) ychydig o ofn arnaf ond doedd dim angen i mi boeni. Gyrrwr da iawn yw Jonathan.

Aethom yn syth i'r gwesty bach, 'Amber Hills' lle roeddwn wedi penderfynu aros dros y penwythnos. Roedd y gwesty yn dwt ac yn daclus efo teimladau cartrefol amdano. Gadawais fy magiau yno, ac aeth Jonathan a fi yn ôl at ei dŷ lle oedd Marilyn yn aros amdanom efo croeso mawr a phowliau o gawl cartref a thost, paneidiau o de a bisgedi siocled. Treuliom y prynhawn sgwrsio gyda'n gilydd a thra oedd Marilyn yn gorffen paratoi'r cawl ar gyfer cinio'r diwrnod wedyn, treuliodd Jonathan ei amser gwneud brechdanau, a rhoddais lyfrynnau mewn ffeiliau ar gyfer y diwrnod wedyn i gwblhau anrhegion i'r pob dysgwyr.

Roeddwn yn ôl yn y gwesty erbyn 9 o'r gloch ac ar ôl cawod, treuliais i dipyn o amser ar y we gan fod 'na gysylltiad band eang ar gael yn y gwesty (am ddim), cyn mynd i gysgu'n gymharol gynnar.

Dyma luniau o'r gwesty.